Azərbaycanın Hesablama Palatasının sədri Namiq Nəsrullayevin rəhbərlik etdiyi nümayəndə heyəti Küveytdə səfərdədir. Dövlət strukturundan Trend ə verilən məlumata görə, mütəxəssislər bu ölkəyə martın 5-də yola düşüb.
Səfər Küveytin Dövlət Audit bürosunun (State Audit Bureau of Kuwait) prezidenti Barak Xalid-Əl-Mərzukun dəvəti ilə baş tutub.
Küveytə səfər tanışlıq xarakteri daşıyır və martın 7-də başa çatacaq.
Azərbaycan üçün bu ölkənin Audit Bürosunun təcrübəsi çox vacibdir. Xüsusilə, neft gəlirlərinin ali auditi, neft hasilatı zamanı ətraf mühitə təsirin auditi və audit sahəsində kadr hazırlığı ilə bağlı məsələlər böyük maraq kəsb edir.
"AHP və Küveytin auditor müəssisələri arasında hələlik hər hansı ikitərəfli əlaqələr qurulmayıb", - deyə dövlət strukturundan bildirilib.