İkinci reytinq agentliyinin seçilməsində Azərbaycan hökumətinin məsləhətçisi olan Londonun City Group şirkətinin Türkiyə nümayəndəliyi Maliyyə Nazirliyinə Moodys beynəlxalq reytinq agentliyi ilə imzalanan müqaviləni təqdim edib. Maliyyə Nazirliyindən Trend ə verilən məlumata görə, müqavilə bir il müddətinə imzalanıb və bu barədə qanunvericiliyə uyğun olaran Nazirlər Kabinetinə xəbərdarlıq edilib. Agentlik ölkədə 2006-cı il üzrə suveren reytinqin mənimsənilməsi məqsədilə icmal aparır. O, artıq Azərbaycan tərəfinə sorğu vərəqəsi təqdim edib. Agentlik ölkədəki makroiqtisadi göstəricilər, aparılan iqtisadi proseslər, bank bazarındakı vəziyyət, demoqrafik vəziyyətlə bağlı məlumatları soruşur.
Əldə olunan razılığa görə, ikinci reyntinq agentliyinin xidmətlərinin ödənilməsi üçün dövlət büdcəsindən $40 min vəsaitin ayrılması nəzərdə tutulub.
İkinci reytinq agentliyinin dəvət olunması artıq 2006-cı ildə iki agentlikdən reytinq əldə etməyə imkan verəcək. Bu yaxınlarda Fitch Ratings beynəlxalq reytinq agentliyi Azərbaycanın xarici və yerli valyutada suveren reytinqinin BB səviyyəsində (2004-cü ildə olduğu kimi), proqnozun "sabit" olduğunu təsdiqləyib. Agentlik eyni zamanda qısamüddətli reytinqi B səviyyəsində təsdiqləyib. Maliyyə naziri Əvəz Ələkbərov bunun benynəlxalq ekspertlərin həddən artıq aşağı və ehtiyatlı rəyi olduğunu hesab edir. Lakin o, bu səviyyənin 2006-cı ildə yüksələcəyinə əmindir.
