...

Azərbaycan nümayəndə heyəti İİB idarəçi dövlətlərinin illik iclasında iştirak edəcək

Biznes və iqtisadiyyat xəbərləri Materials 24 May 2006 18:39 (UTC +04:00)

Trend-i buradan izləyin

İslam İnkişaf Bankının (İİB) idarəçi dövlətlərinin 31-ci illik iclasında iştirak etmək məqsədilə iqtisadi inkişaf naziri Heydər Babayevin başçılıq etdiyi Azərbaycan nümayəndə heyəti mayın 28-də Küveytə yola düşür. Nazirlikdən Trend ə verilən məlumata əsasən, iclas mayın 30-31-də keçiriləcək. Nümayəndə heyətinin tərkibinə nazirliyin əməkdaşlarından başqa Maliyyə Nazirliyi Xarici İqtisadi Əlaqələr Şöbəsinin müdiri Mərdan Mərdanov da daxildir.

Bank rəhbərliyilə görüş zamanı gələcək əməkdaşlığın perspektivləri müzakirə ediləcək. Hazırda əməkdaşlıq 2004-2006-cı illərə nəzərdə tutulmuş proqram əsasında gerçəkləşdirilir. Bu il 2006-ci il üzrə proqrama baxılacaq və eyni zamanda 2007-2009-cu illər də əhatə olunacaq.

Bank tərəfindən Azərbaycanda maliyyələşdirilmiş və ümumi məbləği $150 mln. olan 12 layihədən yalnız 4-ü kommersiya şərtləri əsasındadır ($61 mln.). Bu layihələr Ələt-Qazıməmməd avtomobil yolu, Mingəçevir elektrik stansiyası, Ucar-Yevlax yolu və Xaçmaz yarımstansiyanın tikintisinə aiddir.

İİB tərəfindən Azərbaycana göstərilən texniki yardımın həcmi təxminən $4 mln. təşkil edir.

Xəbər lenti

Xəbər lenti