İyulun 1-də Azərbaycanda xarici borcun ümumi həcmi 1,806 mlrd. ABŞ dolları təşkil edib. Bu barədə Trend ə Maliyyə Nazirliyindən xəbər veriblər. 2006-cı il üçün proqnozlaşdırılan ÜDM-in xarici öhdəliklərinin xüsusi çəkisi 11,5% təşkil edib. Əhalinin adambaşına düşən xarici borcun həcmi 215 ABŞ dollarıdır.
İmzalanmış kredit sazişlərinə görə, hökümət zəmanəti altında xarici borcların həcmi 1 iyul 2006-cı il tarixinə 3,534 mlrd. ABŞ dolları təşkil edib.
Sumqayıtda buxar-qaz qurğusunun tikinti layihəsinin reallaşması üçün kreditdən, Dünya bankı kreditinin ilk tranşının yoxsulluğun azaldılmasına istifadə edilməsi və digər layihələr çərçivəsində işlərin maliyyələşdirilməsi ilə əlaqədar ilin birinci yarısı ərzində ölkənin xarici borcu 176 milyon ABŞ dolları artıb.
Hesabat dövrü ərzində əsas borcun və kredit üzrə faizlərin ödənişinə yönəldilmiş borc kreditləri üzər ödənişlər 33,5 mln. ABŞ dolları təşkil edib. Büdcə vəsaitləri hesabına ödəniş 3,3 mln. ABŞ dolları təşkil edib.
