Dünya Bankı su təchizatı sisteminin təkmilləşdirilməsi layihəsinin tezləşdirilməsi ilə bağlı Azərbaycan hökumətilə razılaşıb. Bu barədə Trend ə Nazirlər Kabinetindən bildiriblər. Su infrastrukturunun yaxşalışdırılması strategiyası DB-nin Avropa və Mərkəzi Asiya ölkələrində İnfrastruktura Departamentinin direktoru Piter Tompsonla görüşdə müzakirə predmeti olub.
Bankın ekspertləri tərəfindən hazırlanmış konsepsiya layihəsinin müzakirəsindən sonra onlara rayonları seçmək və işlərin həyata keçirilməsinə başlamaq təklif olunub. Onlar bu işlərin tezləşdirilməsi vacibliyini təsdiqləyiblər" - deyə hökumətdən bildiriblər.
"Azərsu" SC 9 kiçik şəhərin layihəyə daxil edilməsini banka təklif edib. DB öz növbəsində su infrastrukturunu donorlarla birgə bərpa etməyi təklif edir. Bu yolla onlar işləri müəyyən səviyyəyə çatdırmaq istəyir. Qalan məsələlər isə sonra müzakirə olunacaq.
Azərbaycan hökuməti bu növ yanaşmanın əleyhinədir və seçilmiş rayonlarda işlərin tam yerinə yetirilməsini istəyir, çünki bu işlərə ölkə prezidentin sərəncamı ilə 3 il ayrılıb.
İlkin məlumatlara əsasən, DB layihənin gerçəkləşdirilməsinə $150 mln. kredit ayırmağa hazır olduğunu bildirib. Kreditin əsas hissəsi Beynəlxalq Yenidənqurma və İnkişaf Bankının xəttilə ayrılacağından DB-nin ehtiyatlarında heç bir məhdudiyyət yoxdur. Kreditin həcmi Azərbaycan tərəfindən strategiya variantlarının seçilməsindən sonra müəyyənləşdiriləcək.
Bu layihə avtomatlaşdırılmıh xəbərdarlıq sistemi, məlumatın məsafədən idarə edilməsi və alınması, su təmizləyici qurğuların bərpasını nəzərdə tutur.