Hazırda "Aqrar-kredit" qeyri-bank kredit təşkilatı "Altı pilot təsərrüfatı" layihəsi çərçivəsində Dünya bankının krediti üzrə əldə etdiyi faizlərdən Azərbaycanın Təhsil Nazirliyinə təxminən 3-4 mlrd. köhnə manat (600-800 min ABŞ dolları) verib.
"Aqrar-kredit"-dən Trend ə verilən xəbərə görə, razılaşmaya əsasən, verilmiş kreditlərdən alınan faizlər kredit təşkilatı və Maliyyə Nazirliyi arasında bərabər bölünür. DB-nin krediti illik 0,75% faiz dərəcəsi ilə verməsinə baxmayaraq, vəsaitlər fermerlərə illik 12%-lə verilib.
6,2 mln. ABŞ dolları kredit komponenti üçün nəzərdə tutulmuş 28,8 mln. ABŞ dolları məbləğində kredit 1998-ci ildə ayrılıb. "Altı pilot təsərrüfatı" layihəsinin 31 dekabr 2003-cü ildə tamamlanmasına baxmayaraq, "Aqrar-kredit" agent funksiyalarını təqdim etməkdə davam edəcək. Qaytarılmış kredit vəsaitləri revolver hesabında yığılır. Beynəlxalq bankda bu hesabın idarəsi 2005-ci ilin əvvəlindən "Aqrar-kredit"ə həvalə olunub. Xaçmaz, Şərur, Lənkaran, Bərdə, Ucar və Salyan fermerlərinə 10 mlrd. köhnə manat (2 mln. AZN) məbləğində kreditin verilməsi planlaşdırılır.
