...

AYİB Garadag Cement-də 20% iştirak payını hələ ödəməyib

Biznes və iqtisadiyyat xəbərləri Materials 5 Oktyabr 2006 18:02 (UTC +04:00)

Trend-i buradan izləyin

Avropa Yenidənqurma və İnkişaf Bankı (AYİB) hələ Garadag Cement SC-də 20% iştirak payının alınması üçün vəsait ödəməyib. Bu barədə Trend ə AYİB-in Bakı nümayəndəsi Reymond Konvey məlumat verib. Direktorlar şurası sement zavodunun səhmlərinin alınması üçün 10 mln. ABŞ dolları məbləğində sərmayəni hələ 25 iyul 2006-cı ildə təsdiq edib.

R.Konvey həmçinin Qaradağ sement (Garadag Cement) zavodunda əlavə sərmayələr üzrə Avropa bankının planlarından danışmağa çətinlik çəkib. Əvvəllər o, bunu Azərbaycanın sərmayə iqlimi ilə əlaqələndirirdi.

Bu mərhələdə AYİB "Qaradağ sement" SC-ni 1999-cu ildə özəlləşdirmiş İsveçrənin Holcim şirkətinin paketindən səhmlərin bir hissəsini alacaq. Şirkətin sərəncamında 89,4% səhm var, qalan səhmlər isə kiçik səhmdarlardadır. Avropa bankı orta müddətli perspektivdə, 5-7 il müddətinə müəssisə səhmdarlarının tərkibinə daxil olmağı planlaşdırır. 2010-cu ilə qədər sement zavodu Avropanın ekoloji standartlarına çatmağı planlaşdırır və bununla əlaqədar onun yenidən qurulmasına 100-110 mln. ABŞ dolları həcmində sərmayə tələb olunur.

Xəbər lenti

Xəbər lenti