Azərbaycanın Nazirlər Kabineti 2007-09-cu illər üçün nəzərdə tutulan İslam İnkişaf Bankı ilə Azərbaycan höküməti arasında əməkdaşlıq haqqında yeni proqramı yenidən işləyib hazırlamaq üçün geri qaytarıb. Hökümətdən Trend -ə verilən məlumata əsasən, İslam Bankının şərtlərinə görə, ölkə hər il bankdan bir güzəştli, iki kommersiya krediti və bir-iki qrant ala bilər. Lakin müvafiq nazirliklər və təsisatlar tərəfindən hazırlanan proqramlarda güzəştli kredit əsasında layihə yoxdur.
İİB-ın ölkə üçün güzəştli maliyyələşdirilməyə dair illik kvotası $10 milyondur, lakin proqramda təqdim olunan layihələrin məbləği $20-30 milyondan artıqdır.
Bankın güzəştli kreditlərindən istifadə etmək üçün Nazirlər Kabineti bir neçə il üçün layihələri bir-birindən ayırmağı tövsiyyə edir.
Proqrama energetika sferasına, su təhcizatı, meliorasiya, kənd təsərrüfatı sahələrinə, yolların, kanalların tikintisinə dair layihələr daxildir. Hər ilə üç layihə düşür.
1992-ci ildən İİB ölkədə $250 milyon dəyərində 26 layihəni maliyyələşdirib və yalnız $61 milyon dəyərində 4 layihə kommersiya şərtlərinə əsaslanıb. Onlar Ələt-Qazıməmməd avtomobil yollarının, Mingəçevir elektrik stansiyasının, Ücar-Xaçmaz yollarının və Xaçmaz yarımstansiyasının tikintisi layihələrinin reallaşdırılmasına yönəldilib.
