Trend xəbər verir ki, Türkiyənin Azərbaycandakı səfirliyi Türkiyənin sənaye və ticarət naziri Əli Coşqunun dekabrın 18-20-də Azərbaycana gözlənilən səfər proqramını hazırlayıb.
Türkiyə naziri Azərbaycana dekabrın 18-də gələcək. Ə.Coşqun səfərini saat 10:00-da Azərbaycanın eks-prezidenti Heydər Əliyevin memorialına və türkşəhidlərin məzarına əklil qoymaqla başlayacaq. Həmin gün saat 11:00-da Azərbaycanın sənaye və energetika naziri Natiq Əliyevlə görüşəcək, saat 14:00 və 15:30 üçün Azərbaycan-Türkiyə iş adamları birliyində (ATIB) və Azərbaycan-türk sənayeçi və biznesmenlərinin Beynəlxalq Assosiasiyasında (TUSIAB -Azerbaijan International Association of Turkish Industrialists and Businessmen) görüş planlaşdırılır.
Dekabrın 19-da saat 10:00-da Türkiyənin sənaye və ticarət naziri ATIB-in iclasında iştirak edəcək. Saat 15.00-da Azərbaycanin baş nazirinin müavini Abid Şərifovla görüşü gözlənilir.
Elə həmin gün nazirin Azərbaycan prezidenti İlham Əliyevlə görüşü də gözlənilir.
Nümayəndə heyəti dekabrın 20-də vətənə dönəcək.