Azərbaycan Milli Bankının məlumatlarına görə, neft sektorunu nəzərə almaqla, noyabr ayında manatın ölkənin xarici ticarət tərəfdaşlarının valyutalarına nisbətən real effektiv məzənnəsi (REM) ümumi ticarət dövriyyəsində 4%, idxalda - 4% və ixracda - 4,1% bahalaşıb.
AMB-dən Trend ə verilən məlumata görə, 11 ay ərzində nominal valyuta məzənnələrinin dəyişməsi ticarət dövriyyəsində REM-ə 8,3%, qiymətlərin dəyişməsi isə - 91,7% təsir göstərib (neft sektorunu nəzərə almaqla).
Aparılmış tədqiqatlar həmçinin göstərdi ki, noyabr ayı ərzində xarici ticarətdə REM-in artmasına ABŞ payı -0,5%, Türkiyənin payı - 0,9%, Gürcüstanın payı - 0,1%, İsrailin payı - 0,3%, Ukraynanın payı - 0,2%, Yaponiyanın payı - 0,3%, İranın payı - 0,03%, Avropa zonasının payı - 1,8%, Qazaxıstanın payı - 0,1%, Rusiya payının azalmasına isə 0,3% təsir göstərib (neft sektorunu nəzərə almaqla).
Noyabr ayında real effektiv məzənnə bütün parametrlər üzrə 5,7% artıb. 2005-ci ilin dekabr ayı ilə müqayisədə noyabr ayında qeyri-neft sektorunda REM ümumi ticarət dövriyyəsində 5,1%, idxalda - 5,3% və ixracda - 2,4%, 2005-ci ilin analoji dövrünə əsasən isə - 6,9%, 7,2% və 3,9% möhkəmlənib.
2000-ci ilin dekabr ayı ilə müqayisədə noyabr ayında qeyri-neft sektorunda REM-in azalma templəri ümumi ticarət dövriyyəsində (neft sektorunu çıxmaqla) - 5,5%, idxalda - 4%, ixracda - 22,8% təşkil edib. Neft sektorunu nəzərə almaqla REM həmçinin müvafiq olaraq 10,7%, 11,8% və 9,8% azalıb.
2006- cı ilin yanvar-noyabr ayları ərzində manatın real məzənnəsinin ABŞ, Gürcüstan, Qazaxıstan, Yaponiya valyutalarına nisbətən möhkəmlənmə templəri manatın nominal məzənnəsinin möhkəmlənməsi templərini ötüb. Eyni zamanda manat avro, İngiltərənin funt/sterlinqi, İsrailin şekelinə nisbətən nominal olaraq ucuzlaşıb, real olaraq isə - möhkəmlənib. Bu, Azərbaycanda inflyasiyanın artım templərinin həmin ölkələrdə istehlak qiymətlərinin artımı üzərində yüksəlməsi ilə izah olunur. İran, Türkiyə və Ukrayna valyutalarına nisbətən nominal möhkəmlənmə templərinin realı ötməsi bu ölkələrdə inflyasiyanın artım templərinin Azərbaycanda istehlak qiymətlərinin artımından çox olması ilə izah olunur.
AMB belə bir nəticəyə gəlib ki, uzun müddət ərzində (2000-06-cı illər) manatın REM-i ucuzlaşıb, bu isə AR-in əsas ticarət tərəfdaşları ilə xarici ticarəti üçün şərtlərin münasib olduğunu təsdiq edir. 2001-06-cı illərdə Azərbaycanda inflyasiyanın səviyyəsi 37,4% təşkil edib, ölkənin ticarət tərəfdaşlarında isə qiymətlər orta hesabla 39,7% səviyyəsində olub.
