...

Azərbaycan Banklar Assosiasiyası prezidiumu fəaliyyət planının və maliyyələşmə məsələlərinin təsdiqi üçün yenidən toplaşacaq

Biznes və iqtisadiyyat xəbərləri Materials 10 Yanvar 2007 17:27 (UTC +04:00)

Azərbaycan Bankları Assosiasiyasının (ABA) növbəti prezidium iclasının fevral-martda keçirilməsi planlaşdırılır.

ABA-nın icraçı direktoru Fərhad Əliyevin çərşənbə günü Trend ə verdiyi məlumata görə, 2006-cı ilin 26 dekabrında keçirilmiş iclasda prezidiumun bütün üzvlərinin iştirak etməməsi səbəbindən 2007-ci ilin maliyyələşmə məsələləri və fəaliyyət planı həll olunmamış qalıb. Bu səbəbdən bu prezidiumun keçirilməsi zəruridir. Bununla belə, ştat cədvəlində dəyişikliklər barədə qərar qəbul olunub. F. Əliyevin qeyd etdiyinə görə, yeni mütəxəssislərin bank sektoruna cəlb olunması planlaşdırılır.

Qarşıdakı iclasda 2007-ci il üçün assosiasiyanın və onun törəmə strukturlarının (AzərbaycanBank tədris mərkəzi və "Bakı və biznes" jurnalı) xərclər və gəlirlər smetasını təsdiqlənməsi planlaşdırılır. Həmçinin, ABA-ya üzvlük haqqlarının artırılması (indi bu iki min manatdır) barədə təkliflərə, assosiasiya üçün yeni ofis icarəyə götürülməsi məsələlərinə baxılacaq. Eyni zamanda güman olunur ki, ABA-nın yeni nizamnamə layihəsi işi başa çatdırılacaq. Hazırda assosiasiya 10 il əvvəl qəbul olunmuş nizamnamə əsasında fəaliyyət göstərir.

İclasa qədər isə 2006-2008-ci illər üçün nəzərdə tutulmuş Strateji İnkişaf Planına dəyişikliklər hazırlamaq tapşırılıb. F. Əliyevin sözlərinə görə, təkliflər paketi fəaliyyətin üç istiqamətində - islahatlar, təhsil tədbirləri (keyfiyyətin yüksəldilməsi və bank işçilərinin ixtisaslaşması) və banklarda təhlükəsizlik üzrə aparılacaq.

Xəbər lenti

Xəbər lenti