Azərbaycan,Bakı/müxbir Trend İ.Xəlilova /Azərbaycan Milli Bankı (AMB) ilin əvvəlindən milli valyutanın ABŞ dollarına münasibətdə möhkəmlənməsi templərində müəyyən ritmikliyin saxlanmasını qeyd edir. Bazar ertəsi AMB-nin pul siyasəti departamentinin direktoru Xaqani Abdullyaevin verdiyi məlumata əsasən, kursun hərəkət istiqaməti 2006-cı illə eyni trayektoriya ilə gedir. 2007-ci ilin əvvəlindən aprelin 16-na qədər kurs təxminən 0,7 faiz möhkəmlənib (0,87714 manatdan 0,8654 manatadək), keçən ilin analoji dövründə kursun dəyişməsi təxminən 0,5 faiz təşkil edib.
X.Abdullayevin fikrincə, hazırki sabitlik iyundan başlayaraq pozulacaq. Belə ki, büdcənin yerinə yetirilməsinin fəal fazasının başlanması ilə əlaqədar valyuta təklifi həcminin kəskin artımı nəzərdə tutulur. Bunun da nəticəsində AMB-nin valyuta bazarına müdaxiləsi qaçılmaz olacaq. Bu il AMB-nin manat intervensiya həcmi 20 mln. dollar təşkil edib, ümumilikdə isə ilin yekunlarına əsasən, 1 mlrd. dolları üstələcəyi gözlənilir. Bu, keçən ilə nisbətən çoxdur. 2006-cı il ərzində AMB-nin valyuta bazarında iştirakı 1 mlrd. dollar səviyyəsində olub.
Dövlət büdcəsinin yarıdan çoxu neft gəlirlərindən ibarətdir (ADNŞ-nin vergi ödəmələri halında və neft konsorsiumunun vergi və gəlir hesabına, bu il əhəmiyətli dərəcədə artacaq gəlirlər həcmi).
Kurs sabitliyinin saxlanması ilə əlaqədar AMB manata olan tələbatı valyuta bazarında artıq dollar kütləsinin alınması vasitəsilə ödəməyə məcburdur.
2007-ci il büdcəsinin proqnozlarında dolların manata münasibətdə kursu 1 dollar üçün 0,86 manat səviyyədə müəyyən olunub. 2006-cı ildə isə proqnoz göstəricilərində 0,90 manat nəzərdə tutulmuşdu.