Azərbaycan,Bakı/müxbir Trend İ.Xəlilova/ Azərbaycanın Milli Bankı (AMB) I rübün yekunlarına əsasən, ölkənin bank sektorunun kapitallaşdırılması vəziyyəti ilə bağlı yaxşılaşmanı təsdiq edib. AMB-dən verilən məlumata əsasən, 1 aprelə əsasən, 25 bankın kapitalı 5 mln. manatdan 10 mln. manatadək həcmdə formalaşıb. 15 bankın kapitalı 10 mln. manatı üstələyir. Ay ərzində bankların kapitallaşması strukturunda dəyişikliklər baş verib. İki bank nizamnamə kapitalı 10 mln. manatdan çox olan bankların qrupuna daxil olub.
AMB-nin normativ tələblərinə əsasən, 1 yanvar 2007-ci ildən banklar ümumi kapitalı 8,2 mln. manatadək formalaşdırmalı, iyulun 1-nə qədər onu 10 mln. manata çatdırmalıdırlar.
Bununla belə, Azərbaycanda fəaliyyət göstərən üç bank kapitalını 3,5 mln. manatdan 5 mln. manatadək diapazonda ödəyib. Fevralın 1-dən Milli Bankın idarə heyəti tərəfindən sanksiyalaşdırılmış diaqnostik yoxlamaların nəticələrinə əsasən, üç bank əhalidən əmanətlərin qəbuluna olan hüquqdan məhrum olub və görünür ki, onlar hələ də tələb olunan səviyyəyə çatmaq üçün heç bir tədbir görməyib. Bank lisenziyasının məhdudlaşdırılması barədə qərar bank və kapitalların keyfiyyətinin qiymətləndirilməsindən sonra qəbul olunub.
Ölkədə fəaliyyət göstərən 44 bankın hamısının ümumi kapitalı 2007-ci ilin əvvəli ilə müqayisədə 11 faiz artaraq (1 yanvara əsasən 603,3 mln. manat səviyyəsində olub) 669,9 mln. manat təşkil edib.
