Azərbaycjan, Bakı /müx. Trend S.Babayeva/ Kənd təsərrüfatının inkişafı və kreditləşməsi üzrə ikinci layihə çərçivəsində baytarlıq sahəsində ixtisaslaşan beynəlxalq ekspertlər Azərbaycandadırlar. Dünya Bankı ilə birgə reallaşdırılan layihənin strukturuna baytarlıq üzrə alt komitə daxildir.
İnstitusional inkişaf üzrə ekspert F.Splendiani, epidemioloq R.Cakson və laboratoriya işləri üzrə mütəxəssis M. Seydlerin səfərinin məqsədi layihənin icrasının effektivliyini artırmaqdır.
Kənd Təsərrüfatı Nazirliyinin Dövlət Baytarlıq Xidmətindən cümə axşamı verilən məlumata görə, Splendianinin missiyası sentyabrda başa çatacaq. O, baytarlıq xidmətinin işinin efektivliyini artırmaq məqsədilə normativ aktlar, göstərişlər və normativ sənədlər hazırlayır.
Cakson avqustun sonuna qədər baytarlıq müəssisələrinin təşkilinin təkmilləşdirilməsi, xəstəliklərin aşkar edilməsi və bu xəstəliklər barədə hesabatların hazırlanması ilə məşğul olacaq.
Seydler ökədə baytarlıq laboratoriyalarının diaqnostik potensialının artırılması sahəsində iş aparacaq və iyulun sonuna qədər Azərbaycanda olacaq.
Ekspertlər Azərbaycanın İmişli, Beyləqan və Xanlar rayonlarında olub. Bu gün ekspertləri dövlət xidmətinin rəisi İsmayıl Həsənov qəbul edib. Layihə çərçivəsində planlaşdırılan işlər müzakirə olunub.
