...

"TRACECA"nın texniki layihələrindən biri noyabra qədər uzadılıb

Biznes və iqtisadiyyat xəbərləri Materials 11 Avqust 2007 13:25 (UTC +04:00)

Azərbaycan, Bakı /müx. Trend S.Əliyev/ "TRACECA"nın Azərbaycandan olan milli koordinatoru Akif Mustafayevin verdiyi məlumata görə, Niderlandın "NEA" şirkəti tərəfindən reallaşdırılan "TRACECA"nın nəqliyyat dəhlizi çərçivəsində nəqliyyat ekspeditorlarının hazırlanması layihəsi avqust-sentyabr aylarında başa çatdırılacaq. Ekspeditorların hazırlanması layihəsi 10 ölkəni əhatə edir. Türkiyə, Bolqarıstan və Rumıniya layihədə iştirak etmir, belə ki, bu ölkələr bu istiqamətdə kifayət qədər inkişaf etmiş xidmətlərə malikdirlər.

Avqust ayında artıq dəniz daşımaları idarələrinin işçilərinin hazırlanması layihəsi başa çatacaq, bu layihə Britaniyanın "Knayt Smart" şirkəti tərəfindən həyata keçirilir. Dəniz idarələrinin əməkdaşlarının hazırlanması layihəsində nəqliyyat dəhlizinin dənizə çıxışı olan beş ölkəsi iştirak edir.

Mustafayev qeyd edib ki, "TRACECA" nəqliyyat dəhlizi vasitəsilə təhlükəli yüklərin daşınması üzrə mütəxəssislərin hazırlanması layihəsi bu ilin noyabr ayna qədər uzadılacaq. Bu layihənin icrası ilə bağlı Avropa Kommissiyasının elan etdiyi tenderin qalibi "NEA" şirkətlər alyansı (Niderland) və "HPTE" (Almaniya) şirkətidir.

Xəbər lenti

Xəbər lenti