Azərbaycan, Bakı, / Trend , müxbir İ.Xəlilova / Azərbaycan İqtisadi İnkişaf Nazirliyi 2007-ci ilin sonuna qədər donorların dəstəyi ilə birbaşa xarici investisiyalar Proqramının hazırlanmasına başlayacaq. Bu barədə Azərbaycan İqtisadi İnkişaf Nazirliynin İnvestisiya siyasəti şöbəsinin müdiri Əsgər Ələkbəov məlumat verib.
Onun sözlərinə görə, artıq Koreya texniki yardım təşkilatı KOYKO və Almaniya texniki fəaliyyət cəmiyyəti GTZ ilə layihənin hazırlanması üzrə ilkin razılıq əldə olunub.
"Biz hələ bu strateji sənədin dövlət, Nazirlər Kabineti və prezident səviyyəsində qəbul olunacağını bilmirik" - Ələkbərov bildirib.
Böyük bir layihənin həyata keçirilməsində texniki yardım məqsədi ilə bir neçə donorun cəlb edilməsi gözlənilir. İİN-nın şöbə müdiri hesab edir ki, onların hər biri ilə kiçik layihələr mümkündür.
Əsas məqsəd proqramın işlənməsi və xarici investorlar üçün cəlbedici potensiala malik iqtisadiyyatın qeyri-neft sektorunda identifikasiya işi ilə bağlıdır.
Belə olan halda, konkret layihələr müəyyən olunacaq.
"Azərbaycana gələrkən investorlar hazır layihələrin alınması üçün bu "pəncərə"nin açılmasını gözləyirlər, hansıları ki, nəzərdən keçirəcəklər və bəlkə də maliyyələşdirəcəklər.
