Azərbaycan, Bakı / Trend , müxbir U.İsmaylova/ Azərbaycanın iri sığorta şirkətlərindən biri olan MBASK 2010-cu ilə qədər beynəlxalq reytinq almağı nəzərdə tutub. Bu barədə şirkətin məlumatında bildirilib.
"MBASK 2005-ci il üçün auditdən keçib və indi 2006-cı il üçün auditdən keçir. Bundan sonra şirkət 2010-ə qədər beynəlxalq reytinq almağı nəzərdə tutub" -deyə MBASK idarə heyətinin sədri Cəmil Məlikov bildirib.
Onun sözlərinə görə, kredit reytinqinin alınması üçün şirkət dünya şirkətlərinin birinci dördlüyünə daxil olan beynəlxalq audit şirkətləri ilə 5 illik iş stajına malik olmalıdır.
"Azərbaycanda sığorta şirkətləri beynəlxalq auditorların xidmətindən bu yaxınlarda istifadə etməyə başlayıblar. O cümlədən MBASK" - deyə MBASK idarə heyətinin sədri bildirib.
1992-ci ildən Azərbaycanın sığorta bazarında fəaliyyət göstərən MBASK 29 şəkildə sığorta xidməti göstərir. Onlardan dördü vacibdir. Şirkətin nizamnamə kapitalı 2 mln manat təşkil edir.
