Azərbaycan, Bakı / Trend , müxbir İ.Xəlilova / "Kapital Bank"ın idarə heyətinin sədri Rauf Rzayevin verdiyi məlumata görə, dövlət bankı olan "Kapital Bank" 2007-09-cu illər üçün nəzərdə tutulmuş yeni strateji planda əksini tapacaq 2007-ci il üçün biznes-proqnozları nəzərdən keçirir.
Sentyabrın 1-nə olan vəziyyətə görə, bankın aktivləri 200 mln. manat təşkil edib, lakin bütün 2007-ci il üçün proqnozlarda aktivlərin 170 mln. manat təşkil edəcəyi nəzərdə tutulub.
İlin əvvəlində aktivlər 2006-cı ilin yanvarın 1-nə olan 96 manat göstərici ilə müqayisədə 150 mln. manat səviyyəsində formalaşdırılıb.
Aktivlərin kredit portfeli 42-43% təşkil edir. Əmanət portfeli 70 mln. manata çatır, bu məbləğin 11 mln. manatı yay kompaniyalarının reallaşması sayəsində cəlb olunub. Payız mövsümündə bank əhalinin əmanətlərini cəlb etmək məqsədilə yeni kompaniyalar işləyib hazırlayacaq.
2007-ci ilin yekunlarına əsasən , gəlirlər 29,4 mln. manat, xalis mənfəət isə 5,1 mln. manat həcmində planlaşdırılıb. Sentyabrın 1-nə olan vəziyyətə görə, bankın xalis mənfəəti 5 mln. manat təşkil edib. Ümumi kapital isə , nizamnamə kapitalı 12 mln. manat olmaqla , 40 mln. manata çatıb.
