Azərbaycan, Qazax / Trend , N.Fətullayeva/ Azərbaycanın Ağstafa rayonunda aparılan yoxlamalar zamanı maye qaz doldurma məntəqələrindən yalnız birinin fəaliyyəti qənaətbəxş hesab edilib.
Bu barədə Ağstafa rayon icra başçısının birinci müavini Ramiz Tatarov məlumat verib. Onun sözlərinə görə, Fövqəladə Hallar Nazirliyinin nümayəndələri və yerli komissiyanın apardığı yoxlamalar zamanı 4 mənətəqənin fəaliyyətinə xitam verilib. Buna maye qazdoldurma məntəqələrindən birinin yüksək gərginlikli elektrik xətinin yaxınlığında yerləşməsi, digərinin təhlükəsizlik qaydalarına riayət etməməsi, iki məntəqənin isə, sənədlərinin qaydasında olmaması səbəb olub.
Ramiz Tatarov hazırda rayonda cəmi bir yanacaqdoldurma məntəqəsinin fəaliyyət göstərdiyini bildirib.
Yoxlamalar avqustun 29-da Ağstafadakı yanacaqdoldurma məntəqəsində baş vermiş partlayış hadisəsindən sonra aparılıb. Partlayış nəticəsində 4 nəfər ölüb, 5 nəfərsə, ağır xəsarət alıb.