Azərbaycan, Bakı, 05 fevral/ " müxbir İ.Xəlilova/ Asiya İnkişaf Bankı 2008-ci ildə CAREC Proqramının (Mərkəzi Asiya regional iqtisadi əməkdaşlıq) iştirakçı dövlətləri üçün enerji əməkdaşlıq planını hazırlamağı planlaşdırır. Bu barədə AİB-in regional əməkdaşlıq şöbəsinin direktoru Robert Siy məlumat verib.
Onun sözlərinə görə, planın CAREC-in nazirlər konfransında təsdiqlənməsi mümkündür. Konfrans noyabrın sonunda Bakıda keçiriləcək. Enerji planı ötən il təsdiq edilən və $18 mlrd. qiymətləndirilən nəqliyyat dəhlizlərinin yaradılması proqramına oxşar olacaq.
"Proqram hazırlandıqdan sonra enerji sahəsində lazımi investisiya həcmi yatırılacaq", - AİB-in şöbə direktoru bildirib.
Onların maliyyələşdirilməsi CAREC-də iştirak edən altı beynəlxalq maliyyə institutunun - AİB, AYİB, BVF, İİB, BMT-nin İnkişaf Proqramı və Dünya Bankının hesabına həyata keçiriləcək.
Siy, karbohidrogenlərin nəqli üzrə boru kəmərləri tikintisinin enereji proqramının bir hissəsi olacağını hesab edir. O, CAREC-in səkkiz iştirakçı ölkəsinə - Əfqanıstan, Azərbaycan, ÇXR, Qazaxıstan, Monqolustan, Tacikistan və Özbəkistana yayılacaq. Buna baxmayaraq, siyahının genişlənməsi ehtimalı istisna edilmir. Belə ki, hazırda CAREC-də müşahidəçi statusuna malik Türkmənistan nəqliyyat proqramında iştirak edir.
