Azərbaycan, Bakı, 18 mart/ " müxbir S.Ağayeva/ Qazaxıstanın Bakı-Tbilisi-Ceyhan (BTC) boru kəmərinə qoşulması neftin nəqli tariflərindən asılı olacaq. Bu barədə Qazaxıstanın Azərbaycandakı səfiri Serik Primbetov çərşənbə axşamı juranlistlərə məlumat verib.
"Bizə hansı tarifləri təklif edəcəklərini bilmək vacibdir. Bundan sonra həcm də müəyyənləşəcək", - səfir bildirib. Onun sözlərinə görə, tarifləri azaltmaq və nəql edilən neftin həcmində qazanmaq olar.
Primbetovun bildirdiyinə görə, Qazaxıstan daim öz neftinin nəqlinin çoxvektorlu olmasının lehinə çıxış edib və "biz prinsipcə BTC-ni alternativ yol kimi nəzərdən keçiririk".
"Qazaxıstanın BTC ilə nəql etmək niyyətində olduğu neftin "Kaşağan" yatağından hasil edilməsi gözlənilir. Bu yataq üzrə işlər isə ləngidilir. Biz hazırda "Kaşağan",- da bütün işlərin tezliklə başa çatdırılmasına təkid edirik", - səfir bildirib.
BTC neft kəmərinin ümumi uzunluğu 1768 kilometrdir. Bunun 443 km-i Azərabaycan, 249 - Gürcüstan, 1076 km-i Türkiyə ərazisindən keçir. Boru kəmərinin tikintisi 2003-cü ildə, onun neftlə doldurulması isə. 2005-ci il mayın 18-də başlayıb. Neft 2005-ci il avqustun 10-da neft kəmərinin Gürcüstan hissəsinədək, 2005-ci il noyabrın 18-də boru kəmərinin Türkiyə sahəsinə, 2006-cı ilin mayın 28-də isə, Ceyhan terminalına çatıb.
BTC-nin tikintisi $4 mlrd.-a başa gəlib. Bu, tikinti işləri, boru kəmərinin doldurulmasına çəkilən xərclərdir. Maliyyə xərcləri və bank faizlərinin ödənilməsi bura daxil deyil. Ümumi maliyyə kreditinin məbləği $2,6 mlrd. təşkil edir. BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz ); Statoil (8,71 faiz ); TRAO (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz ).
