Azərbaycan, Bakı, 29 mart/ Trend , müxbir A.Bədəlova/ ABŞ-ın Enerji İnformasiyası Dövlət İdarəsi (EİA) 2008-ci ildə ABŞ-da biokütlə istehsalının 3,83 kvadrillion BTU-dək artacağını proqnozlaşdırır. 2007-ci ildə bu rəqəm 3,33 kvadrillion BTU təşkil edib. 2030-cu ilə ABŞ-da biokütlə istehsalı 8,12 kvadrillion BTU-dək artacaq. Bu zaman illik istehlak 5,51 kvadrillion BTU təşkil edəcək.
"2030-cu ilə ABŞ-da biokütlənin xüsusi çəkisi ümumi yanacaq istehsalının 10 fazini təşkil edəcək" - şənbə günü EİA-nın analitiki Neyl Hemson Trend a bildirib.
American Petroleum Institute-in (API) icraçı direktoru Red Kavaneyin (Red Cavaney) sözlərinə görə, ABŞ neft və qazdan başqa alternativ və yenidən bərpa edilən enerji mənbələrinin inkişafını dəstəkləməlidir. Bu barədə Energy Intelligence Group məlumat verib.
Hemsonun sözlərinə görə, biokütlədən istifadə neft qiymətlərinə nəzərəçarpacaq dərəcədə təsir edəcək. "Biokütlədən istifadənin benzindən istfadəni ötməsi ilə əlaqədar neftin qiymətləri indikindən çox yüksək olacaq" - EİA-nın analitiki bildirib.
EİA-nın proqnozlarına görə, 2030-cu ilə dünyada biokütlə istehsalı 150 mln. ton neft ekivalentinədək artacaq. İstehsalın illik artım templəri 7-9 faiz təşkil edəcək. 2030-cu ilədək nəqliyyat sahəsində ümumi yanacaq həcmində biokütlənin payı 4-6 faizə çatacaq.
Biokütlə - hazırda istifadə edilməsi mümkün olan yanar şist, uran, kömür, neft və təbii qazdan sonra ehtiyatına görə altıncı enerji mənbəyidir. Biokütlə birbaşa günəş, külək, su və geotermal enerjidən sonra bərpa edilən enerji mənbələri arasında səmərəliliyinə görə beşincidir. Hər il dünyada təqribən 170 mlrd. ton ilkin bioloji kütlə yaranır və təxminən bir o qədər həcmdə dağılır.
Biokütlə istilik, elektrik enerjisi, bioyanacaq, bioqazın (metan, hidrogen) istehsalında tətbiq edilir.
Yanacaq biokütləsinin əsas hissəsi (80%-dək) - birinci növbədə ağac, evlərin qızdırılması və inkişafda olan ölkələrdə yemək hazırlanması üçün istifadə edilir.
Müəlliflə əlaqə saxlamaq üçün elektron ünvan : [email protected]
