Azərbaycan, Bakı, 23 may / / Azərbaycan Dövlət Neft Şirkətinin (ARDNŞ) "Neftqaz tikinti" Tresti "Ümid-1" qaz hasilatı platforması üçün üç mərtəbəli və 27 otaqlı yaşayış blokunun tikintisinə başlayıb. Bu barədə ARDNŞ-ın yayılan məlumatında bildirilir. Tikinti işləri Zığ tikinti-montaj sahəsində aparılır.
Həmçinin ikinci məişət blokunun tikintisi də planlaşdırılır. Hər iki blok "General Əliağa Şıxlinski" üzən kranı vasitəsilə "Ümid" yatağına göndəriləcək və platformada quraşdırılacaq.
ARDNŞ-ın tərkibinə daxil olan Heydər Əliyev adına Dərin Özüllər Zavodu noyabr ayında iki bloklu "Ümid-1" dəniz qaz platformasının yenidənqurma işlərini başa çatdırmağı planlaşdırır. Zavod dəniz yatağının tikintisi üzrə işlərə ötən ilin sonlarında başlayıb.
Dəniz platformasının istismarı ARDNŞ-a şəxsi vəsaitlər hesabına işlənən yataqlarda qaz hasilatının artırılması üzrə proqramın reallaşdırılması çərçivəsində lazımdır. Platformadan altı qaz quyusunun qazılması planlaşdırılır.
"Ümid-1" platforması tikintisi başa çatdırılmamış "Çıraq-6" platforması bazasında proqram çərçivəsində ən iri obyek sayılır. Onun hündürlüyü 72 metrdir. Platforma suyun 60 metr dərinliyində "Bulla-dəniz" yatağından 15 km aralıda yerləşdiriləcək.
ARDNŞ qaz hasilatının artırılması üzrə proqram çərçivəsində 2008-ci ildə şəxsi yataqlarında qaz hasilatını 8 mlrd. kub metrə qədər artırmağı planlaşdırır.
