Azərbaycan, Bakı, 05 iyun / Trend / Cari ilin yanvar-may aylarında Azərbaycan Dövlət Neft Şirkəti (ARDNŞ) 83312 metr həcmində qazıma işi həyata keçirib ki, bu da 2007-ci ilin analoji dövr göstəricisindən 1002 metr çoxdur. Bu barədə ARDNŞ-dan məlumat verilib.
Mayda yataqlarda 2007-ci ilin 18014 metrinə nisbətdə 15391 metr qazma işi aparılıb.
Yanvar-may ayları ərzində istismar qazmalarının həcmi 81032 metr təşkil edib. Bu, ötən ilin analoji dövr göstəricisindən 2354 metr artıqdır. Mayda istismar qazmaları 15290 metr təşkil edib. Bu göstərici ötən ilin analoji dövründə 17382 metrə bərabər olub.
Yanvar-may ayları ərzində kəşfiyyat qazmaları 2280 metr təşkil edib. Bu, ötən ilin analoji dövr göstəricisindən 1352 metr azdır. May ayında kəşfiyyat qazmaları ötən ilin analoji dövrünün 632 metrinə nisbətdə 101 metr təşkil edib.
