Azərbaycan, Bakı, 13 iyun/ Trend Cap , müxbir İ.Xəlilova/ Fransanın Societe Generale bankı "Səngəçal-Qaradağ neft-qaz terminalı"nın tikintisinə $140 mln. kredit ayırmağa hazırdır. Bu barədə cümə günü "Azərbaycan İnvestisiya Şirkəti" SC icraçı direktorunun müavini Riad Qasımov məlumat verib. Kredit ehtiyatları $40 mln. və $100 mln. olmaqla, iki tranşla veriləcək.
Onun rəyinə görə, kreditinin birinci tranşının alınması üçün sənədlərin hazırlanması 2008-ci ilin sentyabrına başa çatdırıla bilər. Bu vəsaitlər layihənin birinci fazasının reallaşdırılması üçün nəzərdə tutulub. Birinci fazaya 2009-cu ilin sonuna terminalın tikintisi daxildir.
Layihənin ikinci fazası birincinin başa çatmasından sonra üç il ərzində reallaşdırılacaq. İkinci mərhələ yanalma körpülərinin tikintisini, əsasən, Qazaxıstan, Türkmənistandan olan neft tədarükçüləri ilə müqavilələrin bağlanılmasını nəzərdə tutur. Terminalın aşırma gücü ilkin mərhələdə 5 mln. təşkil edəcək, sonra 20-25 mln. tona çatıdırlacaq.
Qasımovun sözlərinə görə, layihə $175 mln. qiymətləndirilir. Bunun $36 mln. -nı (bu vəsait "Səngəçal-Qaradağ neft-qaz terminalı" QSC-nin kapitalına daxil edilib) Azersun Holding və AİŞ təqdim edəcək.
Layihənin əsas operatoru "Qafqaztransservis" şirkətidir (Azersun Holding qrupuna daxildir). AİŞ və "Qafqaztransservis" arasında imzalanmış müqaviləyə əsasən, şirkət, yatırılmış vəsaitlər hesabına, QSC-nin Nizamnamə kapitalının 25 faizini əldə edib. İnvestisiya Şirkəti AİŞ Müşahidə Şurasının 2007-ci il 29 iyun tarixli qərarına müvafiq olaraq $9 mln. yatıracaq.
Qaradağ terminalı məhdud növdə, lakin böyük həcmlərdə məhsulların (kondensat və neft) qəbulu üçün nəzərdə tutulub. Bu terminal vasitəsilə Kaşağan yatağından hasil edilən xam neftin qəbulu da nəzərdə tutulur. Neft Qara dəniz sahilindəki terminallara və Bakı-Tbilisi-Ceyhan neft kəməri ilə Ceyhan limanına nəql ediləcək. Kaşağandan neftin 2011-ci ildən tez olmayaraq alınacağı gözlənilir. Lakinin bununla yanaşı, bu vaxt ərzində gəmiqayırma istehsalı inkişaf etdirilə, böyük tutumlu gəmilər sifariş edilə bilər ki, bu, Azərbaycana regionda daşınmaların keçirilməsi üçün lazımdır.
İyunun 13-nə olan rəsmi məzənnə - 0,8189 AZN/USD.
Müəlliflə əlaqə saxlamaq üçün elektron ünvan: cap
