Azərbaycan, Bakı, 18 avqust/ Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Gürcüstanın Poti şəhərində yeni yanacaqdoldurma məntəqəsinin açılışı Rusiya qoşunları Senaki şəhərindən çıxarıldıqdan sonra mümkün olacaq,- bazar ertəsi SOCAR Energy Georgia şirkətindən telefonla Trend -a bildiriblər. Hərbi vəziyyətlə əlaqədar ölkədə hərəkətə qoyulan məhdudiyyətlər neft məhsullarını məntəqəyə çatdırmağa imkan vermir.
"Məntəqə artıq istismara hazırdır. Rusiya qoşunları Senakidən çıxdıqdan sonra, neft məhsulları məntəqəyə çatdırılacaq və o, istismara veriləcək", - şirkətdən bildiriblər.
Yeni oyanacaqdoldurma məntəqəsi avqustun 6 -7- də istismara verilməli idi, lakin Gürcüstanda münaqişənin yaranması buna mane olub. Azərbaycan Dövlət Neft Şirkətinin Gürcüstan ərazisindəki qalan yanacaqdoldurma məntəqələrinin işi normal rejimdə həyata keçirilir.
"Hətta demək olar ki, məntəqələr gücləndirilmiş rejimdə işləyir", - şirkətdən bildiriblər.
SOCAR Energy Georgia ARDNŞ-in 100 faizlik törəmə şirkətidir.
Müəlliflə əlaqə saxlamaq üçün elektron ünvan: [email protected]