...

Azərbaycan Milli Bankı valyuta ehtiyatlarının sərmayə hissəsini genişləndirir

Energetika Materials 12 Sentyabr 2008 13:01

Trend-i buradan izləyin

Azərbaycan, Bakı, 12 sentyabr / Trend , müxbir İ.Xəlilova/ Azərbaycan Milli Bankı (AMB) portfelin valyuta tərkibini balanslaşdırıb və indi onun ixtiyarında olan valyuta ehtiyatlarının 60 faizi dollarda, qalan 40 faiz isə avro və funt sterlinqdə saxlanılır, - cümə günü AMB-nin İdarə Heyətinin sədri Elman Rüstəmov deyib.

"Bizim portfel iki hissəyə - sərmayə və əməliyyat hissəsinə bölünüb. Bu səbəbdən ehtiyatların əksər hissəsi Amerika valyutasında cəmləşib", - Rüstəmov bildirib.

Porfelin sərmayə hissəsi daima artır və hazırda onun payına təxminən 60 faiz düşür. Əməliyyat hissəsi əsasən daxili tələbata xidmətin göstərilməsi və xarici borcla əlaqədardır. Buna görə də onun 90 faizi dollarda cəmləşib. AMB-nin ümumi valyuta ehtiyatları həcmində əməliyyat hissəsinin payı $2-2,5 milyard təşkil edir.

Rüstəmovun sözlərinə görə, sərmayə portfelində avronun payı xeylidir. "Bu portfelin artırılması ilə yanaşı, avronun payı da artcaq", - AMB-nin rəhbəri qeyd edib.

Sərmayə portfeli müxtəlif vasitələrdən ibarətdir. Bu portfeldə valyuta ehtiyatları depozitdə yerləşdirilib, qiymətli kağızlar və ehtiyatların bir hissəsi xarici idarəetməyə verilib.

"Dünya Bankının RAMP proqramının köməyi ilə biz demək olar ki, iri bankların üsullarını tamamilə mənimsəmişik", - Rüstəmov vurğulayıb.

Hazırda Azərbaycan Dövlət Neft Fondunun valyuta portfeli dollara nisbətdə balanslaşdırılıb. Aktivlərin 50 faizi dollarda, 40 faiz isə avroda yerləşdirilməlidir. Qalan 5 faiz  funt sterlinqdə yerləşdirilməlidir. Cari ilin rübündə bu nisbət dəyişə bilər, lakin yekunlar üzrə bu həddə balanslaşmalıdır. Sentyabrın 4-nə Azərbaycan Dövlət Neft Fondunun aktivləri $10,216 milyard təşkil edib.   

Sentyabrın 12-nə cari valyuta məzənnəsi 0,8155 AZN/USD-dır.

Xəbər lenti

Xəbər lenti