Azərbaycan, Bakı, 24 sentyabr / Trend / їMərkəzi Azəriї platformasında neft və qaz hasilatının dayandırılmasının səbəbi məhsuldar üfüqdən hasil edilən qazın yataqdan dəniz səthinədək їqrifonї adlandırılan qaz axınlarının sızması ilə bağlı ola bilər, - çərşənbə günü Azərbaycan neft sənayesinin eksperti anonimlik şəraitində bildirib.
їQrifonї platformanın dözümlüyünə ciddi təhlükə törədə bilər, belə ki, qaz axını platformanın altındakı dərinliyin səthini yuyub apara bilərї, - ekspert hesab edir.
Onun fikrincə, bu amilin qarşısının alınması üçün orada sement körpülər quraşdırmaqla, quyu ətrafındakı məkanın müəyyən dərinliyini və dəniz dibinin səthini betonlamaqla, quyunu ləğv etmək lazımdır.
İki platformanın dayanması nəticəsində їAzəriї-їÇıraqї-їGünəşliї yataqlarının işlənməsi layihəsi çərçivəsində neft hasilatı sutkada 580 min barelədək azalıb. Bu göstərici platforma dayanmamışdan əvvəl 900 min barel təşkil edib.
Bu platformalardan neftin nə vaxt hasil ediləcəyi məlum deyil. Bu, dənizdə їMərkəzi Azəriї platformasının yanında aşkar edilmiş qaz sızmasının səbəbinin tədqiqi ilə izah edilir.
Sentyabrın 17-də їAzəriї-їÇıraqї-їGünəşliїyatağının operatoru BP dənizdə qaz sızmasl ilə əlaqədar olaraq, їMərkəzi Azəriї yatağında neft hasilatını dayandırıb və orada quraşdırılmış platformadakı heyəti evakuasiya edib. Təhlükəsizlik məqsədilə їQərbi Azəriї platformasının qərb yatağında da neft hasilatı dayandırılıb. їAzəriї yatağının şərq hissəsində quraşdırılmış platformada hasilat davam edir.
їQaz platformada quraşdırılan detektorlar vasitəsilə aşkar olunub. Təhlükəsizlik məqsədi ilə platformanın personalı oradan köçürülbї, - deyə şirkətdən bildiriblər.
"Mərkəzi Azəri", yataqlardan hasil edilən neft və qazın nəql zəncirində əsas platformadır. "Qərbi Azəri", "Şərqi Azəri", "Dərin Günəşli" və "Çıraq" yataqlarında yerləşən digər platformalardan neft və qaz "Mərkəzi Azəri" platformasına, buradan isə Səngəçal terminalına tədarük olunur. Səngəçal terminalından neft Bakı-Tbilisi-Ceyhan neft kəməri vasitəsilə ixrac edilir.
"Azəri-Çıraq-Günəşli" yatağında Bakı-Tbilisi-Ceyhan boru kəməri ilə ixrac olunan Azeri Light növlü neft hasil edilir.
