Azərbaycan, Bakı, 13 noyabr/ Trend , müxbir S.Əliyev, A.Bədəlova/ "2008-ci ildə Azərbaycanda neft hasilatı əvvəllər gözlənilən 50 mln. tona qarşı 45 mln. ton səviyyəsində qiymətləndirilir", - SOCAR şirkətinin (Azərbaycanın Dövlət Neft Şirkəti) prezidenti Rövnəq Abdullayev cümə axşamı bildirib.
Hasilatın azalması iri dəniz yatağı "Azəri - Çıraq - Günəşli"dəki platformanın işində fasilələrlə bağlıdır. Layihənin operatoru BP şirkəti sentyabrın 17-də platforma yaxınlığında dənizdə qazın aşkar edilməsi ilə əlaqədar, "Mərkəzi Azəri" yatağında hasilatı dayandırıb və platformadakı personalı köçürüb. Ehtiyat məqsədilə yatağın qərb hissəsində "Qərbi Azəri" platformasında hasilat dayandırılıb. Lakin sonra bu pltaformadan hasilat bərpa edilib.
Abdullayevin sözlərinə görə, "Mərkəzi Azəri" yatağında neft hasilatı dekabrın sonunadək bərpa ediləcək.
"Azəri - Çıraq - Günəşli" yataqları blokundan Bakı -Tbilisi - Ceyhan boru kəməri ilə ixrac edilən Azeri Light növlü neft hasil olunur.
Azərbaycanda nefti şəxsi vəsaitləri hesabına quru və dənizdəki yataqları işləyən SOCAR şirkəti də hasil edir.
