...

Bolqarıstan prezidenti Nabucco-nun müzakirəsi üçün Türkmənistana səfər edəcək

Energetika Materials 9 Dekabr 2008 15:23 (UTC +04:00)

Türkmənistan, Aşqabad, 09 dekabr/ Trend , müxbir S.Qurbanov/ Bolqarıstan prezidenti Georgi Pırvanovun Türkmənistana rəsmi səfəri yaxın günlərdə baş tutacaq, - danışıqların hazırlanmasında iştirak edən mənbə bildirib.

Onun sözlərinə görə, "Bolqarıstan prezidenti türkmən qazı və potensial satış bazarları haqqında məsələ qaldıracaq".

Türkmənistan prezidenti Qurbanqulı Berdiməhəmmədov əvvəllər Bolqarıstan Baş nazirinin müavini, xarici işlər naziri Yvaylo Kalfinlə görüşüb.

"Ərazisindən magistral qaz kəmərləri şəbəkəsi keçən Bolqarıstan türkmən qazının tranziti və ixracında çox maraqlıdır", - Kalfin jurnalistlərə bildirib.

Bolqarıstanın Bulgargaz şirkəti Nabucoo qaz kəməri layihəsinin iştirakçısıdır. Bu kəmərin strateji məqsədi karbohidrogen ehtiyatlarının Xəzər regionundan Avropaya çatdırılmasıdır. Konsorsiuma Avstriyanın OMV, Macarıstanın MOL, Rumıniyanın Transgaz, Türkiyənin Botas və Almaniyanın RWE şirkətləri daxildir. Layihənin realizəsi Avropaya qaz axınlarının diversifikasiyasını aparmağa və RF-dən asılılığı azaltmağa imkan verəcək.

Bir müddət əvvəl Avropa İttifaqı, xüsusilə də Azərbaycan və Türkmənistan arasında qarşılıqı münasibətlər istiləşdikdən sonra, Nabucco-ya dair Aşqabadla danışıqlara sürət vermək planlarını açıqlayıb. SSRİ dağıldıqdan sonra keçən illər ərzində iki Xəzəryanı ölkə arasında dənizdəki bəzi sərhəd yataqların kimə məxsus olması barədə mübahisə olub.

Ekspertlərin rəyinə görə, Nabucco trassı ilə Türkmənbaşı şəhərindən Bolqarıstan, Yunanıstan, Rumıniya və Serbiyayadək məsafə Rusiya və Ukraynadan olan məsəfadən qısadır. Bolqarıstan prezidenti 2008-ci ilin noyabrında Daşkəndə səfəri zamanı Özbəkistana qazın tədarükü üzrə alternativ layihələrdə iştirak etməyi təklif edib. Pırvanov həmçinin Avropa İttifaqının gələcək enerji böhranına hazır olmaq üçün preventiv tədbirlər görməli olması barədə rəy səsləndirib.

Türkmənistan rəhbərliyi Bolqarıstanın şirkətlərinə geoloji kəşfiyyat işlərində, Xəzərin dəniz şelfindəki mühüm neft-qaz yataqlarının işlənilməsində və onlara quruda servis xidmətlərinin göstərilməsində, həmçinin Xəzərdə "Avaza" turist bazasına sərmayələrin yatırılmasında iştirak etməyi təklif edəcək. Mümkündür ki, tikinti sahəsində əməkdaşlıq yaradılsın. Belə ki, SSRİ-nin mövcud olduğu dövrdə bolqar inşaatçılar Türkmənistanda fəal işləyiblər.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti