Azərbaycan, Bakı, 22 dekabr/ Trend , müxbir E.İsmayılov/ SOCAR şirkəti
(Azərbaycan Dövlət Neft Şirkəti) yaxın günlərdə "Neft Daşları" Neft - Qaz Çıxarma İdarəsində yeni ehtiyat parkını istifadəyə verməyi planlaşdırır. Bu barədə bazar ertəsi idarədə işlərə yaxın mənbə bildirib.
Onun sözlərinə görə, "işlər yekunlaşma mərhələsindədir və ilin sonunadək ehtiyat parkının istifadəyə verilməsi planlaşdırlır". Hazırda altı ehtiyat çəndən ikisində montaj işləri həyata keçirilir.
Ehtiyat parkı cəmi altı çəndən ibarət olacaq. Onlardan birinin xammalın təmizlənməsi üçün istifadə olunması planlaşdırılır. Hər bir çənin həcmi 2000 ton, diametri 15 metr, hündürlüyü 12 metrdir.
SOCAR geoloqlarının qiymətləndirməsinə görə, "Neft Daşları" yatağında qalan neft həcmləri 30 mln. ton təşkil edir. Yataqda neft hasilatının artırılması üçün SOCAR 2010 - cu ilədək 78 yeni quyu qazacaq, yeni platformaların da tikilməsi planlaşdırılır.
Məqalə müəllifi ilə əlaqə ünvanı - [email protected]
