İranın Pars LNG layihəsində Total şirkətinin və bir Çin şirkətinin iştirakı planlaşdırılmışdı. Lakin Fransanın Total şirkəti qəti qərar qəbul etmədiyindən Pars LNG layihəsinin fəaliyyəti dondurulub. Bu barədə İranın qaz ixracı şirkətinin direktoru Seyid Rza Kəsaizadə Tehranda keçirilən neft-qaz sərgisində deyib. Məlumatı İranın Mehr informasiya agentliyi yayıb.
"Yaxın zamanlarda Total və Çin şirkəti ilə bağlı məsələyə aydınlıq gətiriləcək. Total şirkətindən bildirilib ki, Pars LNG layihəsi iqtisadi baxımdan effektlidir və onlar layihədə iştirak etməkdə maraqlıdırlar", - Kəsaizadə deyib.
Onun sözlərinə görə, Pars LNG layihəsinin mərhələlərinin birində operator funksiyasını Çin şirkəti yerinə yetirəcək, digər mərhələdə isə Total şirkəti ona qoşulacaq.
