...

Azərbaycanın ekologiya şirkəti Amerika həmkarları ilə əməkdaşlığa hazırlaşır

Energetika Materials 13 May 2009 15:15 (UTC +04:00)

Azərbaycan, Bakı, 13 may / Trend /

"Tetra Tech Amerika şirkəti və Ekol Muhendislik Xidmetleri MMC Azərbaycan şirkəti əməkdaşlıq haqda ilkin qətnamənin hazırlanması haqda qərar qəbul edib", - MMC-nin çərşənbə günü yaydığı məlumatda deyilir. Qərar Tetra Tech nümayəndə heyətinin Azərbaycana səfəri zamanı qəbul edilib.

Görüş zamanı həmçinin şirkətlər tərəfindən həyata keçirilən ekoloji layihələr çərçivəsində əməkdaşlıq da müzakirə edilib.

Realizə edilən layihələrlə tanışlıq məqsədilə Tetra Tech-in vitse-prezidenti Con martin "Ekol" MMC-nin nümayəndə heyətini ABŞ-a dəvət edib.

Tetra Tech şirkəti suayırıcılıq, dağ-mədən işi, ekoloji menecment, karbohidrogenlərin idarə edilməsi, sistemlərin testləşdirilməsi və qiymətləndirilməsi, ətraf mühitin bərpası, su-bataqlıq məkanlarının bərpası sahələrində xidmət göstərir.

"2006-cı ilin martında Abşeron yarımadasında mövcud ekoloji problemlərin həlli üçün yaradılmış Ekol Muhendislik Xidmetleri QSC-nin həmtəsisçiləri SOCAR (Azərbaycan Dövlət Neft Şirkəti) - 51 faiz və Lancer S.A. Services - 49 faizdir", - SOCAR-ın rəsmi internet-səhifəsində deyilir.

Xəbər lenti

Xəbər lenti