...

Azərbaycan və Türkiyə qaza dair danışıqları davam etdirirlər

Energetika Materials 5 Noyabr 2009 13:23 (UTC +04:00)

Trend-i buradan izləyin

Azərbaycan, Bakı, 05 noyabr / Trend , müxbir E.İsmayılov/

ARDNŞ (Azərbaycan Respublikası Dövlət Neft Şirkəti) və Türkiyə tərəfi arasındakı, Azərbaycanın "Şah Dəniz" dəniz kondensat yatağı qazının qiymətinə dair və Azərbaycan qazının Türkiyə ərazisindən tranzitinə dair danışıqlar işgüzar qaydada davam etdirilir, bu barədə ARDNŞ-inTürkiyədəki nümayəndəliyinin rəhbəri Seymur Ağayev bildirib.

"Bu məsələ zaman tələb edir. Lakin qarşılıqlı mənfəətli qərar qəbul ediləcək", - Ağayev deyib.

Ağayevin dediyi kimi, qazın qiyməti və tranziti məsələsinə dair tərəflərin mövqeyi uyğunlaşmadığı təqdirdə digər variant da var, "lakin son nəticəyə gəlməyincə heç kim heç nə bildirmək istəmir", - Ağayev əlavə edib.

ARDNŞ-in rəhbəri Rövnəq Abdullayevin daha öncə dediyi kimi, məsələlərin böyük hissəsi və hasilatın birinci mərhələsi çərçivəsində "Şah Dəniz" yatağından Türkiyəyə tədarük ediləcək Azərbaycan qazının nisbi qiymətinin texniki göstəriciləri, həmçinin həmin layihənin ikinci mərhələsi çərçivəsində Türkiyə üçün əvvəlcədən təyin edilmiş həcm məsələsi həll olunub. Azərbaycan və Türkiyə tərəflərinin qazın qiymət formulu məsələsindəkı mövqeləri tədricən yaxınlaşır.

Bu gün Azərbaycan qazı Türkiyəyə 1000 kubmetri 120 dollar qiymətinə tədarük edilir. Türkiyənin daxili bazarında isə tədarükçülər üçün qazın 1000 kubmetrinin dəyəri 380 dollar təşkil edir.

Türkiyə ilə bağlanmış müqavilədə göstərildiyi kimi, "Şah Dəniz" qazının qiymətinə hasilatdan bir il sonra baxılmalıdır, başqa sözlə desək, qazın yeni qiyməti 2008-ci il aprelin 15-dən sonra tətbiq ediləcək.

Müqaviləyə əsasən, layihənin birinci mərhələsi çərçivəsində Türkiyə "Şah Dəniz" yatağından 6,6 milyard kubmetr qaz əldə etməlidir. Layihəyə dair qaz tədarükünün bu həcmi bu il əldə olunacaq.

"Şah Dəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz.

Məqalə müəllifi ilə əlaqə ünvanı: [email protected]

Xəbər lenti

Xəbər lenti