...

"Nabukko" ilin sonuna "open season" prosesinin ikinci mərhələsinin başlanmasını gözləyir

Energetika Materials 1 İyun 2010 19:04 (UTC +04:00)

Аzərbaycan, Bakı, 1 iyun /Trend, müxbir А.Bədəlova/

Qazın Xəzər regionu və Yaxın Şərqdən Aİ ölkələrinə nəqlinin planlaşdırıldığı "Nabukko" qaz kəməri layihəsi konsorsiumu 2010-cu ilin sonu, 2011-ci ilin əvvəlində "open season" prosesinin icrasına başlamaq niyyətindədir.

"Nabucco Gas Pipeline International" şirkətinin rəsmi saytında yerləşdirilən məlumata əsasən, "Nabukko" qaz kəmərinin buraxılış imkanlarını satışa çıxarmağı planlaşdıran "open season" prosesi özündə hazırlıq və icra mərhələlərini birləşdirir.

Artıq başlayan hazırlıq mərhələsi özündə qanunvericiliyin tələblərinə uyğun olaraq danışıqlar, nəqliyyat məsələlərinin idarəçiliyi üzrə "Nabukko" beynəlxalq şirkəti və layihənin milli şirkətləri arasında öhdəliklərin bölüşdürülməsi məsələlərini birləşdirir.

"Open season" prosesinin icra mərhələsi zamanı layihədə öz maraqlarını göstərmək və boru kəmərinin nəqliyyat gücünün sifarişi üçün potensial mütəxəssislər dəvət olunacaq. Layihənin səhmdarları ildə 15 milyard kubmetrə qədər (qaz kəmərinin ümumi nəqliyyat gücünün 50 faizi) qaz əldə edəcəklər, qalan 50 faiz isə şəffaflıq prinsipi altında bərabər şərtlərlə üçüncü tərəfə təklif olunacaq.

"Bu prosedurda bütün bazar iştirakçıları uzunmüddətli müqavilələr bağlamaq imkanı əldə edəcəklər", - "Nabucco Gas Pipeline International"ın materiallarında deyilir.

"Nabukko" layihəsinin rəsmi nümayəndəsi Kristian Dolezalın Trend-ə bildirdiyi kimi, "open season" prosesində nəqliyyat gücü üzrə sifariş başlanacaq və daşınma ilə bağlı sazişlər imzalanacaq.

Dəyəri 7,9 mlrd. avro olan "Nabukko" qaz kəmərinin tikintisi 2011-ci ilə nəzərdə tutulub. Boru kəmərinin maksimal ötürmə gücü ildə 31 mlrd. kubmetr təşkil edəcək. Qaz kəmərinin tikintisi 2010-ci ilə planlaşdırılıb. Layihənin iştirakçıları Avstriyanın OMV, Macarıstanın MOL, Bolqarıstanın "Bulgargaz", Rumıniyanın "Transgaz", Türkiyənin "Botaş" və Almaniyanın RWE şirkətləridir. Onların hər biri bərabər - 16,67 faiz paya malikdir.

Xəbər lenti

Xəbər lenti