...

Rusiyanın TNŞ-BP şirkəti Qazaxıstan NKZ-nin səhmlərinin 50 faizini alanlar sırasındadır

Energetika Materials 15 İyun 2010 13:00 (UTC +04:00)

Qazaxıstan, Astana, 15 iyun /Trend, müxbir Y.Braun/

Rusiyanın TNŞ (Tümən Neft Şirkəti)-BP şirkəti Pavlodar Neft-Kimya Zavodunun (NKZ, Qazaxıstanın şimalında yerləşir) səhmlərinin 50 faizini alan konkret alıcılar sırasındadır. Bu barədə Trendə-ə neft-qaz dairələrindəki mənbə məlumat verib.

"Hazırda Pavlodar NKZ-nin səhmlərinin 50 faizini alanlar sırasında Rusiyanın özəl TNŞ-BP şirkəti də var", - mənbə deyib.

Məlum olduğu kimi, əvvəllər bu müəssisənin səhmlərinin alışına LUKoil və "Qazprom-neft" iddialı idi.

"Sövdələşmənin dəyəri 600 milyon dollardır", - həmsöhbət qeyd edib.

Respublikada ilk neft-kimya zavodu olaraq, sovet dönəmində tikilən Pavlodar NKZ yalnız Qərbi Sibir mədənlərindən hasil edilən neftin texnoloji emalını həyata keçirir.

Zavodun layihə gücü ildə 6-7 milyon ton neft təşkil edir.

Xəbər lenti

Xəbər lenti