Azərbaycan, Bakı, 26 iyul /Trend, müxbir E.İsmayılov/
Neft və qaz emalı zamanı atmosferə zərərli maddələrin atılmasının və məşəllərdə qazın yandırılmasının azaldılması üçün optimal variant Azərbaycanda yeni neft-qaz kompleksinin tikilməsidir. Bu barədə bazar ertəsi ARDNŞ-dəki mənbə deyib.
Onun sözlərinə görə, mövcud emal zavodlarında hansısa əsaslı dəyişikliklərin aparılması məqsədəuyğun deyil, çünki müəssisələr artıq çoxdan işləyir və onların istehsal prosesində dəyişikliklərin edilməsi kifayət qədər çətin işdir.
"Məhz bu məqsədlə yeni kompleksin inşası daha əlverişli variantdır. Bunun əsasında bütün müasir tələb və normalar nəzərə alınacaq", - mənbə bildirib.
Onun sözlərinə görə, lakin hazırda ARDNŞ neft və qaz emalı müəssisələrinin atmosferə zərərli maddələrin atılmasının azaldılması üzrə variantların axtarılması işini aparır. Müəssisələrin ümumi texnoloji və istehsal proseslərinə təsir etməyəcək variantlar üzrə axtarışlar aparılır.
Azərbaycanda neft məhsulları ildə 20 milyon ton neft gücünə malik Bakının iki NEZ-nin bazasında istehsal edilir. Hər iki NEZ öz vəsaitləri hesabına quru və dənizdəki yataqlarda ildə altı-yeddi milyon ton neft hasil edən ARDNŞ-nin tərkibinə daxildir. ARDNŞ-nin bir qaz emalı zavodu da var.
