Azərbaycan, Bakı, 22 sentyabr /Trend/
"SOCAR-AQŞ" MMC Xəzərin Azərbaycan sektorundakı "Günəşli" qaz yatağının dayaz hissəsində iki yüksəkdebitli quyularda qazma işlərini tamamlayıb. Bu barədə çərşənbə günü MMC-nin rəsmi saytında verilən məlumatda deyilir. "Günəşli" yatağının dayaz hissəsi ARDNŞ tərəfindən şəxsi vəsait hesabına işlənib hazırlanır.
Məlumata əsasən, quyuların qazılması planlaşdırılmış müddətdən əvvəl tamamlanıb. "Günəşli-11" dəniz platformasından 3750 metr dərinliyində, "Günəşli-13" platformasından 4100 metr dərinliyində quyu qazılıb.
Hazırda "SOCAR-AQŞ" "Günəşli-13" platformasında daha bir quyunun qazılması üzrə tamamlama işlərini aparır.
Yeni quyuların qazılması ARDNŞ-nin "Azneft" İstehsalat Birliyinin sifarişi ilə həyata keçirilir.
