Azərbaycan, Bakı, 10 noyabr /Trend/
"Ekol Mühəndislik Xidmətləri" QSC "Abşeronneft" NQÇİ-nin neft, lay suları və digər tullantılarla çirklənmiş ərazisinin rekultivasiyası" layihəsi çərçivəsində "Azneft" İstehsalat Birliyi ilə bağlanılmış müqaviləyə əsasən, layihənin yeni mərhələsində "Abşeronneft" NQÇİ-nin mədən ərazisindəki 5 hektar sahədən 20 min kubmetrə qədər neft şlamı çıxarıb. Bu barədə QSC-nin çərşənbə günü rəsmi saytında yerləşdirilən məlumatda deyilir.
Hazırda bu əraziyə ştib və torpaq daşınmaqla yanaşı, bioremediasiya işlərinə də start verilib.
2006-cı il martın 1-də Abşeron yarımadasının mövcud ekoloji problemlərinin həlli üçün yaradılmış "Ekol Mühəndislik Xidmətləri" QSC-nin həmtəsisçiləri ARDNŞ (51 faiz) və "Lancer S.A. Services" (49 faiz) şirkətidir.
