Gürcüstan, Tbilisi, 16 noyabr /Trend, müxbir N.Kirsxaliya/
Qərbi Gürcüstanda təbii qazın Poti azad sənaye zonasına (ASZ) çatdırılmasına imkan verəncək Poti-Senaki qaz kəmərinin tikintisi həyata keçirilir.
Noyabrın 17-də ABŞ-ın Gürcüstandakı səfiri Con Bas və ölkənin energetika naziri Aleksandr Xetaquri inşaat işlərinin gedişi ilə tanış olublar. Bu barədə Trendə ABŞ-ın Gürcüstandakı səfirliyindən məlumat verilib.
ABŞ Gürcüstan iqtisadiyyatının inkişafına dair uzunmüddətli layihə çərçivəsində qaz kəmərinin tikintisinə 115 milyon dollar ayırıb. Layihənin ümumi dəyəri 1 milyard dollardır.
Qaz kəmərinin tikintisi üzrə işlər Gürcüstanın Neft və Qaz Korporasiyası tərəfindən aparılır. Qaz kəmərinin magistral boru kəmərinə birləşdirilməsindən sonra Potidəki ASZ müəssisələri ilə yanaşı, 25 min abunəçi də qaz alacaq.
ABŞ səfiri səfəri çərçivəsində Sameqrelo-Zemo regionunun qubernatoru Zaza Qoroziya və obyektin tikintisi ilə məşğul olan şəxslərlə görüşməyi planlaşdırır.
