Azərbaycan, Bakı, 12 mart/Trend, müxbir E.İsmayılov/
2010-cu ildə "Azəristiliktəchizat" ASC tərəfindən 519,5 min Gkal istilik enerjisi istehsal edilib. Bu göstərici 2009-cu ildə 456,1 Gkala-a yaxın olub. Bu barədə Azərbaycan hökumətinin 2009-cu ilin yekunları üzrə məlumatında deyilir.
ASC-nin istehsal etdiyi istilik enerjisinin ümumi həcmindən 69,5 min Gkal-a yaxını "Azərenerji" SC-dən alınan istiliyin payına düşüb.
İstehsal edilən istiliyin ümumi həcmindən 505 min Gkal istilik enerjisi qazdan, qalan hissə mazut və soba yanacaqdan istifadə hesabına əldə edilib.
Hesabatda göstərilən məlumatlara əsasən, 2010-2011-ci illər mövsümündə ASC 353 qazanxana, 2305 bina, 262 məktəb, 164 uşaq bağçası, 142 səhiyyə obyektini və 270 digər obyektləri istiliklə təmin etməyi nəzərdə tutur.
ASC-nin bu müddət ərzində istilik enerjisi ilə təmin etməyi planlaşdırdığı obyektlərin ümumi sayı 3495 təşkil edəcək. Bu göstərici 2009-cu ildə 3342 olub.
