Azərbaycan, Bakı, 4 aprel /Trend, müxbir E.İsmayılov/
Yanvar-mart aylarında Xəzər Boru Kəməri Konsorsiumunun (XBKK) səhmdarları "Yujnaya Ozereyka-2" terminalında CPC Blend növlü 8,53 milyon tona yaxın neft yükləyib. Bu göstərici ötən ilin analoji dövründəki göstərici ilə demək olar eynidir. Bu barədə bazar ertəsi XBKK-nın mətbuat xidmətindən bildiriblər.
Həmçinin martda terminalda 2,86 milyon ton neft yüklənilib. 2010-cu ilin analoji dövründə bu göstərici 2,83 milyon ton olub.
2010-cu ildə XBKK səhmdarları tərəfindən 34,92 milyon ton neft yüklənilb. 2009-cu ildə bu göstərici 34,57 milyon ton, 2008-ci ildə 31,5 milyon ton olub. 2007-ci ildə isə konsorsiumun səhmdarları 32,6 milyon tondan çox neft yükləyiblər.
Həcmlərin nəql və yüklənməsini (qoşulma ardıcıllığı ilə) həyata keçirən XBKK yükgöndərənləri aşağıdakılardır:
- "Tengizşevroyl" - bağlanmış müqavilələrdən birincisi - tədarük olunan həcmlər sisteminin əsas yüklənməsini təmin edir;
- "Arman" - XBKK səhmdarı "Oryx Caspian Pipeline LLC"nin affilə edilmiş yükgöndərəni. Hazırda "Şell"in mülkiyyətindədir;
- "EmbaMunayQaz" və "Qazaxoyl-Aktobe" - XBKK səhmdarı "Kazakhstan Pipeline Ventures LLC"nin affilə edilmiş yükgöndərəni;
- "CNPC-AktobeMunayQaz" - Qazaxıstan hökumətinin giriş hüquqlarından yararlanaraq, terminalda həcmlərin nəql və yüklənməsini həyata keçirir;
- "Litasko" - XBKK səhmdarı LUKARKO B.V. şirkətinin affilə edilmiş yükgöndərəni;
- "Qaraçaqanak Petroleum Opereytinq B.V." - "Tengizşevroyl"dan sonra neft nəqli həcmləri üzrə ikinci yükgöndərən. XBKK-nın bir çox səhmdarları yanında affilə edilib;
- "NaftaTrans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən, rus istehsalçılarının neftini XBKK-ya tədarük etmək səlahiyyətindədir.
