Azərbaycan, Bakı, 25 dekabr /Trend, müxbir A.Tağıyeva /
ARDNŞ-nin Türkiyədəki neft emalı zavodunun tikintisi üzrə tenderin qalibi müəyyən edilib. Trend-in məlumatına görə, bunu "SOCAR-Turkey Enerji A.Ş" şirkətinin rəhbəri Kənan Yavuz Bloomberg HT telekanalına müsahibəsində bildirib.
Onun sözlərinə görə,tenderin qalibi Koreya, İtaliya, İspaniya və Yaponiya şirkətlərinin daxil olduğu konsorsium olub. Həmin şirkətlərlə saziş 2013-cü ilin yanvarında imzalanacaq.
"NEZ-in tikintisinə artıq 200 milyon dollar sərmayə qoyulub. Konsorsium dörd il ərzində investisiyaları başa çatdırmağı planlaşdırır", - Yavuz deyib.
O qeyd edib ki, Türkiyədə daha iki NEZ-in tikilməsi vacibdir. Bu NEZ-in tikilməsindən sonra Türkiyə üçüncü, 2014-cü ildən sonra isə dördüncü NEZ-in tikilməsi haqqında düşünməlidir.
