Azərbaycan, Bakı, 16 sentyabr /Trend, müxbir E.İsmayılov/
Bakı-Novorossiysk neft kəmərinin revers rejimində işi iqtisadi baxımdan səmərəli ola bilər. Trend-in məlumatına görə, bu barədə bazar ertəsi jurnalistlərə ARDNŞ prezidenti Rövnəq Abdullayev deyib.
Onun sözlərinə görə, hər bir tərəf öz marağını qoruyur və boru kəmərinin işinin hər bir variantı tətbiq edilə bilər.
R.Abdullayev qeyd edib ki, hazırda ARDNŞ və "Rosneft"in mütəxəssisləri boru kəmərinin revers rejimində işinin iqtisadi cəhətdən məqsədəuyğunluğunun qiymətləndirilməsi üzərində birgə işləyirlər: "Fikrimcə, bu variant səmərəli ola bilər".
