Bakı. Maksim Tsurkov - Trend:
Azərbaycan qazının Avropaya çatdırılmasını nəzərdə tutan Transadriatik boru kəmərinin (TAP) tikinti layihəsinin reallaşdırılması Yunanıstan iqtisadiyyatına böyük impuls verəcək. Trend-in məlumatına görə, bunu Azərbaycanın Yunanıstandakı səfiri Rəhman Mustafayev yerli mətbuata müsahibəsində deyib.
Onun sözlərinə görə, "Cənub Qaz Dəhlizi"nin yaradılması və TAP layihəsinin reallaşdırılmasına başlanılması ümumilikdə Cənub-Şərqi Avropanın enerji təhlükəsizliyinin artmasına xidmət edəcək və region ölkələrinin iqtisadiyyatının inkişafına gətirib çıxaracaq.
Qeyd edək ki, TAP layihəsi Azərbaycanın "Şahdəniz" qaz-kondensat yatağının işlənməsinin ikinci mərhələsindən qazın Avropa İttifaqı ölkələrinə nəqlini nəzərdə tutur.