Bakı. Trend:
Biz bərpa olunan enerji layihələri üzrə hərracların sayının artacağını gözləyirik.
Trend-in məlumatına görə, bunu energetika nazirinin müavini Elnur Soltanov "Azərbaycanda bərpa olunan enerji mənbələri" mövzusunda dayanıqlı inkişaf üzrə Almaniya-Azərbaycan forumunda deyib.
"Biz bərpa olunan enerji üzrə yeni layihələr üçün daim potensial investor axtarırıq. Yaxın zamanlarda günəş fotoelektrik və külək enerjisi sahələrində hərracların sayının artmasını gözləyirik", - deyə o bildirib.
Onun sözlərinə görə, Azərbaycan həm də dənizdə külək enerisinin inkişafı üçün nəhəng potensiala malikdir, Xəzər dənizində bu potensial 157 giqavatt həcmində dəyərləndirilir.
(Tərcümə: Orxan Nəbiyev)