Bakı. Trend:
Serbiya baş nazirinin müavini, mədən sənayesi və energetika naziri Zorana Mihayloviç Azərbaycan qazının idxalı üçün nəzərdə tutulan interkonnektoru ölkənin ən vacib layihəsi adlandırıb.
Trend-in məlumatına görə, nazir Avstriya mətbuatına müsahibəsində bildirib ki, Serbiyanı Bolqarıstanla birləşdirəcək və 1,8 milyard kubmetr gücü olan qaz xətti Azərbaycan qazı ilə doldurulacaq.
"Biz Azərbaycanla danışıqlar aparırıq. 2023-cü ilin sentyabrından Serbiya qaz tələbatının 40 faizini Azərbaycan qazı və ya Rusiyadan olmayan digər mənbələrdən qazla təmin etməlidir. Hazırda bu, qaz sahəsində bizim ən vacib layihəmizdir", - deyə nazir bildirib.
Z.Mihayloviç əlavə edib ki, Serbiya bu kontekstdə həm də qonşu ölkələrlə təmaslar qurulmasını vacib hesab edir.
(Tərcümə: Orxan Nəbiyev)