Salyan Oil (SOL) əməliyyat şirkəti "Kürsəngi-Qarabağlı" yatağında sonuncu quyunun qazıntısına başlayıb. AR DNŞ-də Trend ə verilən məlumata görə, kəşfiyyat quyusu "Qarabağlı" yatağında qazılıb.
Quyunun layihə dərinliyi 4000 metrdən artıqdır. "Hazırda quyu 300 metrdən artıq dərinlikdə qazılıb", - deyə AR DNŞ-də bildirilib. Quyuların qazılması üzrə SOL podratçıları Çinin Great Wall Drilling şirkətidir.
AR DNŞ nümayəndəsinin sözlərinə görə, quyunun qazılmasına ən azı 4 ay vaxt lazımdır. SOL AR DNŞ qarşısında əvvəlki kəşfiyyat quyusunun qazılması üzrə öhdəliklərini yerinə yetirib. DNŞ kəşfiyyat quyusunun qazıntısının başa çatdığını təsdiq edib. Quyunun dərinliyi 4300 metrdir.
"Kürsəngi-Qarabağ" yatağının geoloji ehtiyatları 100 mln ton neft, neftçıxarma əmsalı isə 0,2-0,3-dür. Hazırda yatağın 20% hazırdır.