2006-cı ilin yanvar-mart aylarında Azərikimya DŞ 250 min AZY həcmində məhsul istehsal edib. Şirkətdən Trend ə verilən məlumata əsasən, Azərikimya müəssisələrinin istehsalat göstəriciləri proqnozu 69,9% üstələyib, 2005-ci ilin analoji müddətilə müqayisədə artım 72,7% təşkil edib.
2005-ci ilin yanvar-mart aylarına nisbətən yüksək təzyiqli polietilen istehsalı 204,9%, butadien - 76,5%, butilen-izobutilen fraksiyası - 83,7%, propilen oksidi - 202,8%, maye kaustik soda - 40,2%, mütləqləşdirilmiş izopropil spirti - 41,5%, poliefir qətran - 99,4% təşkil edib.
Dövlət şirkətindən bildiriblər ki, məhsulun böyük hissəsi İspaniya, İtaliya, Belçika, Türkiyə, Rusiyv, Gürüstan, Türkmənistan, Özbəkistan, Ukraynə, İran, İraq və Latviya ixrac olunur.
"Dövlət şirkətinə daxil olan müəssisələrin bərpasına investisiyaların yatırılması və yeni texnologiyaların alınması istiqamətində iş aparılır" - deyə Azərikimya-dan bildirilib.