Azərbaycan Dövlət Neft Şirkəti tərəfindən yaradılan kadrların hazırlanması proqramına görə, neft mühəndisi ixtisası üzrə təhsil almış bakalavrlar öz təhsillərini Böyük Britanyia və ABŞ-in ali məktəblərinin magistraturalarında davam etdirəcəklər. Trend in verdiyi məlumata görə, bu barədə ARDNŞ-in mətbuat xidmətindən məlumat verilib.
ARDNŞ-in nümayəndələri artıq bir sıra təşkilatlarla görüşlər keçirərək bu qərarın reallaşdırılması mexanizmini müzakiər ediblər. Eləcə də, ARDNŞ -in iş icraçısı Xaliq Məmmədov British Council təşkilatının Azərbaycandakı nümayəndəliyinin direktoru ilə görüşüb. ARDNŞ-in nümayəndəsinin sözlərinə görə, Azərbaycan yüksək peşəkarlığa malik neftçi kadrlarının əsas mənbəyi olub. Lakin son illər bu məsələdə bir sıra problemlər yaranıb. Kadr çatışmazlığı ilə üzləşməmək üçün ARDNŞ 30 tələbənin ali təhsilinin xaricdə, o cümlədən, Böyük Britaniyada davam etdirməsi barədə qərar qəbul edilib.
British Council-ın direktoru ilə görüşdə bu təşkilatın Qazaxıstandan olan tələbələrin mübadiləsi üzrə tətbiq edilən təcrübə barədə məsələ müzakirə olunub. Görüşün yekunları üzrə əməkdaşlığın davam etdirilməsi üzrə prinsipial razılıq əldə olunub. Münasibətlərin inkişaf etdirilməsi üçün hər iki tərəfdən işçi qrupun yaradılması barədə qərar qəbul edilib.